ИННОПРОМ. ҚАЗАҚСТАН халықаралық өнеркәсіптік көрме алаңында «Ұлытау» Әлеуметтік-кәсіпкерлік корпорациясы» АҚ мен «Новгород облысының даму агенттігі» мемлекеттік облыстық дербес мекемесі арасында ынтымақтастық туралы келісімге қол қойды.
Қол қоюға «Новгород облысының даму агенттігі» директорының міндетін атқарушы Виктор Быков және «Ұлытау» Әлеуметтік-кәсіпкерлік корпорациясы» АҚ Басқарма төрағасы Алмат Жөкебаев қатысты.
Ынтымақтастықтың негізгі мақсаттары индустриялық аймақтарды құру мәселелері бойынша өзара консультациялық көмек көрсету, инвестицияларды тарту және осындай инвестициялық жобаларды іске асыру, сондай-ақ бизнеске мемлекеттік қолдау көрсету, өзге де шараларын қолдану бойынша тәжірибе алмасу болып табылады.
«Осы келісімді іске асыру шеңберінде біз Новгород облысы мен Ұлытау облысының аумағында инвестициялық әлеуетті және ықтимал инвестицияларды дамытуға көмек көрсететін боламыз. Сондай-ақ, біз бизнес-қауымдастықтар арасындағы сауда-экономикалық байланыстарды кеңейтуге жәрдемдесуге ниетіміз бар. Сондықтан біз әріптестерімізге «Ұлытау» корпорациясы үшін және тәжірибе алмасу мүмкіндігі үшін алғыс айтамыз. Барлық жоспарлар жүзеге асырылып, өңірлеріміздің игілігі үшін жұмыс істейтініне сенімдімін», — деп атап өтті Виктор Быков.
Алмат Жөкебаев бұл келісім бүгін өңір басшыларының кездесуінде тіркелген жол картасы банкіндегі алғашқы іс-шаралардың бірі болып табылатынын айтты.
«Бұл келісім біз үшін тәжірибе алмасуға және құқықтық негіздерді алуға мүмкіндік береді, өйткені жұмыс бірыңғай құқықтық платформада жүріп жатыр. Біз жаңа корпорация ретінде және біздің облысымыз қарқынды даму кезеңінде болғандықтан, осы порталды өте жақсы пайдаланатын боламыз. Біз бүгін жұмысты бастадық. Бір сағатқа жуық тәжірибе алмастық, сондықтан қолдау мен ынтымақтастық үшін алғыс айтамын, болашақта бұл мүмкіндікті өңірді дамыту үшін пайдаланатын боламыз деп ойлаймын», — деді Жөкебаев.
Келісімге қол қою Новгород облысы губернаторының бірінші орынбасары Евгений Богданов пен Ұлытау облысы әкімінің орынбасары Дастан Рыспековтың қатысуымен өтті.